معجنات رمضانيه هشه 2012 , طريقة عمل فطائر رمضان طرية بالصور 2012 , معجنات 2012 , طريقة عمل فطائر القطن بالصور , فطائر رمضانية قطنيه بالخطوات المصورة , فطائر , فطائر سهله 2012
طريقة عمل فطائر القطن بالصور , فطائر رمضانية قطنيه بالخطوات المصورة
عجينة زي القطن وماراح يضيع تعبك بعد اليوم .. اشكال وطرق مصوره
بمناسبة شهر الخير حبيت اخبركم عن عجينه خياليه
جربيها وماراح تندمي بالعكس بتعتمديها في كل شي يختص بالعجين
وانسي شي اسمه مخابز او حوسة عجين باذن الله
عجينتي من زمان جدا وانا معتمدتها ولله الحمد ولاعمري سويتها الا يسالوني جاهزه او شغل البيت
نجي للمقادير
نضع بخلاط الكاس المقادير التاليه :
فنجال قهوه حليب ناشف .. ( نيدو او اي شركه ثانيه )
فنجال قهوه سكر
فنجال شاي زيت
كاس ماء
ذرة ملح
ملعقه ونص خميره .. ( ملعقة الاكل )
نخلطها بالخلاط زين
بعدين نصبها في وعاء العجن ( قدر او اي وعاء تستخدميه )
ونضيف عليها كاسين وربع دقيق ( طحين ) اي نوع تفضليه
وابداي بعملية العجن
اعجنيها بكل قوه خلي الهواء يدخلها
لمدة 10 دقائق تقريبا
شيليها من فوق لتحت بالقدر واضربي فيها بقووووه
بتلاحظي انها تخمرت بيدك شي بسيط
بعدها غطيها زيين وحطيها بمكان دافي مدة ساعه الى ساعتين
ملاحظات مهمه لنجاح العجينه :
1- لازم يكون الدقيق والخميره بحرارة الغرفه يعني مايكونوا باردين ابدا
2- الماء المستخدم بالعجن يكون دافي لاحار ولابارد
3- اذا حسيتي العجينه لينه مره وانتي تعجني فيك تضيفي شوي دقيق ..
4- غطي العجينه ولفيها بفوطه ( منشفه ) واتركيها بمكان دافي ( دولاب او اي مكان اخر )
5- عند فرد العجينه لازم تنثري دقيق قبل على مكان الفرد وتحطي العجينه وتنثري فوقها ايضا دقيق وبعدها تبدي بالفرد
الحين اصبحت العجينه جاهزه معاك
سوي اللي تبين
بيتزا صغير
افردي العجينه وقطعيها بالكاس قطع متساويه
رصيها بالصينيه واتركيها شوي لين تنتفش
واضيفي عليها لمساتك زي ماتحبي
بالنسبه لي دهنتها كاتشاب
بعدين مفروم دجاج مستوي من قبل
بعدها فليفله وبصل وزيتون وجبن موزريلا
وحمريها
موضوع: معجنات رمضانيه هشه 2011 
